في الليالي المباركة دي.. واحنا واقفين بندعي ربنا في رمضان بنرفع إيدينا ندعي لإخواتنا في غزة

في الليالي المباركة دي.. واحنا واقفين بندعي ربنا في رمضان بنرفع إيدينا ندعي لإخواتنا في غزة.. افتكرهم دلوقتي.. وهما بيواجهوا البرد القارس من غير بيوت.. افتكرهم وهما بيدوروا على لقمة لأطفالهم وسط الدمار.. افتكرهم وهما واقفين في طوابير طويلة عشان رغيف عيش.. أو شوية مية.. افتكر الأمهات اللي مش لاقيين دوا لأطفالهم المرضى افتكر المرضى اللي المستشفيات مقفولة في وشهم.
في الشهر الكريم ده.. هما صايمين غصب عنهم، مش بإرادتهم، عشان الأكل ممنوع عنهم عشان الاحتلال مانعه عنهم.. أطفال رضع بيموتوا من الجوع.. وكبار السن بيقعوا من الضعف.. المساعدات واقفة برا.. والعالم بيتفرج على معاناتهم.. يا رب في الليالي المباركة دي ارحم أهل غزة انصر المظلومين، اشفي المرضى، اطعم الجعانين، البس اللي معندهمش هدوم، ادي بيت للي مالوش مكان، يا رب دول إخواتنا في الإنسانية قبل كل حاجة ماتخليش دعانا يروح على الفاضي.. مش قادرين نعمل حاجة غير إننا ندعيلهم.. و دعاء المؤمن في رمضان مستجاب.. يا رب فرج همهم.. يا رب فرج همهم.. يا رب فرج همهم #غزة #غزة_العزة🇵🇸 #فلسطين #فلسطين🇵🇸 #رفح #الامم_المتحدة #العرب #العالم #رمضان #رمضان_يجمعنا #رمضان_كريم #رمضان_وصل #ramadanhighlights #رمضان2024 #رمضان2025 #دكتور_محمد_مهران #مهران #mahran