لما حد يجيلك، ويقولك “عايز أتكلم معاك شوية معناها إنه شايف فيك حاجة مش شايفها في حد تاني

كل عام وانتم بخير
لما حد يجيلك، ويقولك “عايز أتكلم معاك شوية” معناها إنه شايف فيك حاجة مش شايفها في حد تاني.. لما حد يختارك إنت بالذات من وسط كل الناس ويفتحلك قلبه، ويحكيلك وجعه دي مش حاجة عادية أبدًا دي أمانة كبيرة

عارف لما حد يديك مفاتيح بيته؟ ده بيديك مفاتيح روحه بيديك أسراره، ومخاوفه، وأوجاعه

مش كل الناس تقدر تستحمل المسؤولية دي
مش كل الناس تقدر تكون ملجأ للتعبانين

لما حد يثق فيك للدرجة دي يبقى مش عايز نصيحة بس ولا حلول سريعة هو عايز يحس إنه مش لوحده

كلامك ممكن يغير حياة حد، ابتسامتك ممكن تديله أمل من جديد، صمتك بس وإنت بتسمعه ممكن يكون هو اللي محتاجه

إوعى تستهين بالمسؤولية دي
إوعى تقسى على اللي بيلجأ ليك
إوعى تسخر من اللي بيفتحلك قلبه

مش لازم تكون عارف كل الإجابات، مش لازم تكون فاهم كل حاجة، بس لازم تكون موجود، بقلبك وعقلك

افتكر إن كلمة منك ممكن تبني إنسان أو ممكن تهده ممكن تطلعه من الضلمة
أو ممكن تغرقه أكتر

لما الناس بتلجألك دايمًا يبقى ربنا اختارك تكون نور ليهم، اختارك تكون بلسم لجروحهم.. دي نعمة كبيرة
ومسؤولية أكبر.. كن أهل للثقة دي، كن قد الأمانة دي #الراحة_النفسيه___ارح_سمعك #الراحة #الكلام #الكلام_الطيب #الامانة
#دكتور_محمد_مهران #عيد #عيد_سعيد #عيد_الفطر_المبارك #عيد_مبارك #عيدكم_مبارك